"هبة " هو اسم أحاول أن أكونه لكل من أحب

الأربعاء، 13 يوليو، 2011

مسافة


مسافة
تباعد بين خطاوينا ..وترمينا على شطين
ويوم الحب ..يزوق شطنا الياسمين
وف الساحة ..بيتبارز هنا الفرسان
وع الجنبين ..حريات الهوى واقفين
ورايح فين ..........؟
ياباصم كل شئ فيا
ياكاسر نبرتى والعين بحنية
ياواخد منى ومعدى حدود الصبر
يافعل الامر
ياال مبنى على سكونى
لفين رايح !!!!!!!
ياطير جارح ....وحط فى طيتى مجروح
داويته بكل مافيا
وفاتنى فى سابقة وياالريح
لا قال انسى ..ولا ليوم اللقا حافظى
على وعد الرموش والعين
ورايح فين ...............!!!!!!!
ياشادى بصوتك المنبوح
وفايت ناى ...بينقش لحنه ع المية
وذكرى فى قارب الاحلام معدية
وقصيدة حب منسية على كف الجبل
بتقول *"مابين حب وحب ..أحبك أنت
ومابين واحدة ودّعتنى ..وواحدة سوف تأتى
أوفتش عنك "*
ونسمة ليل بتسألنى ...."؟
مادام انت ........!!
هايجى اليوم ...؟!!!!
وفارس ليلى هيغنى !!
ويجمع عقدها الياسمين
وفى الساحة ..هيتبارز مع الفرسان ولا يتعب !!
ونسمة ...تدوّب الدع اللى متصّلب
وبدر هلاله لابيهدا ولايتعب
وحال الناى ..عليه يصعب

مسافة مسيرها تتقرب
مسير الارض هتمنى
مسير الحب هيهنى
مسير احلام هتتغير
ويفضل شادى بيغنى على ليلاه
وتسمع برده صوت البحر بيجلّى
وقارب رافضة مقدافها يكون لسواه
فتفضل ليلى تستناه
برغم مسافة بتباعد خطاوينا
ولا بتفلح ولا بتسلاه


2007
ملحوظة "الجملة الفصيحة من قصيدة للشاعر نزار قبانى ".

ليست هناك تعليقات: