"هبة " هو اسم أحاول أن أكونه لكل من أحب

الاثنين، 5 سبتمبر، 2011

صاحب كرامة

  صاحب كرامة وعود بخور
وبصبح الاحلام بنور 
وبمسى ع الاحلام بنور
مشدود على جبينك سطور
عارف ومش ها اقدر
اقول اصل اللى مكتوب لك قدر 
            (1)
عاشق سفر وطريق طويل 
عديت حدود الستحيل 
متغربه فيك الجمل
بتأن.. كل اما تلمح نجمتين متجميين 
سامع صداهم والندا عمال يقل 
والبعد فيك عمال يزيد 
ماتشم غير عطر الصدا من كل شىء
خوفك...جفاك؛وجرأتك, أرضك..,سماك 
وان كان باقى لك 
حبة ورق ومحفظه 
ما سعتش فيها حد غيرك
شددحبالك .
.وادفن ف جرحك كل آآآآآآآه..كل الآلم
الشمس جايه من بعيد
من كل شىء هاتطهرك
فتبسمك..وتغيرك ...........
..........؟؟ تقصد أنا؟؟؟
صاحب كرامه وعود بخور
وبصبح الاحلام بنور 
وبمسى على الاحلام بنور
         (2)
واياك تفكر يوم ها تبكى فوق سطوره
  أويوم ها تطفى شمس نوره
راح تروى وبدمك غروره
ولحد آخر ...خط فيك
مكتوب لحبك يتولد لكن يتيم
مكتوب لحلمه يكون عقيم
جوة الصفح ..............
بتوازى بتمر الطر ق
قلبك مابين الاتنين غرق
      "لازم سنونك تكرهه"
وحنين عيونك يندهه
       "لازم هتقدر يوم تهينه وتجرحه"
ولابد يوم لك راح يعود شايل ألم
فتلملم العمر الحياة
علشان تداوى مدبحه ..
...حيران ...وحيد ,,,
قلبك يادوب حبة رصاص
مر الهوا راح يمسحه
بتطل من جوة الازاز على طير بعيد
يوصل سطورك بالقدر
لكن هجر. .........
جوة الفضا عمال يدور
..........................؟
.......تقصد أنا ؟!
صاحب كرامة وعود بخور
وبصبح الاحلام بنور
وبمسى ع الا حلام بنور
مشدود على جبينك سطور
عارف ومش هقدر آقول
اصل اللى مكتوب لك قدر
          (3)
وف يوم ما تبكى ياقمر
مش راح يغطى الدنيا نور
راح نفتكر دمعك نجوم
وصايدهم الرمش الجميل
يوم لما تبكى ياقمر ..........
هتروح لمين ..؟
اذا كنت خارج من سماك
رافض ضياك ...
هاتلاقى فين ....؟!....
أكبر من الحضن الفضا
ال ساع كتير
علشان ينول منك رضا
فين راح تلاقى كف شمس ..!!!
يمد لك نبض الحياة
كلك ضياها
ولقاها رفضاه السعات
تترجى فيك ما يرد منك غير سكات
لساه مافات العمر منك
لكن هقولك
فى الدنيا يجى كام سما وكام ألف شمس
بس اللى مش فى الكون حقيقى
هو اللى شيلاه العيون جوة الجمل
فيه نبض همس
....................................؟؟؟
تقصد انا ؟
صاحب كرامة وعود بخور
وما لهش حس

وبصبح الا حلام بنور
وبمسى ع الاحلام بنور
وبشوف صبابة فى كل اش

مشدود على جبينك سطور
عااااااااااااااااااااارف
ومش بأدية أغش

هبة رفعت

ليست هناك تعليقات: