"هبة " هو اسم أحاول أن أكونه لكل من أحب

الثلاثاء، 6 سبتمبر، 2011

على خطوتين

لساك على حدود الحقيقه
اللى معدية البراح
لساك مقسماك الجراح
وف كل ملمح
عدت حدود اللامباح
لساك نهاية مابتدتش
لساك صراخ بين الجفون
ينده لحلمك مايجوبش

النوم غمام
ينصب على عيونك مقام الحلم
وانت البصير
لساك اسير
عمّال بتنسج ف حكياته
كرمات مماته
انت الوحيد اللى ف مقامه شيخ ضرير!
ولاانت بس.. اللى لمست النار حرير
لساك على حدودك ملاك!
زلا انت واصل منتهاك
وصداك صبح بيردده شطان الظنون
اسمك حزين ؟؟؟ ولا الحنين
اللى طواك جوه الكمون 
خلاك تهون 
بيرد باب الكلمه فيك
يخرج انين ,,,
يكسر ببانك كلها 
ويحط آخر كلمتين
افتح عبيتك ...
الالونات
ترسم ف حضن الضلمه كون
عديت براحتك رحت فين
لساك ماخطيت البدايه
لسه الحقيقه جوه منك
بينك وبينها خطوتين


هبه رفعت
18\2\2007

هناك 3 تعليقات:

محمد مصطفى يقول...

أجمل نصوصك

هبة رفعت يقول...

اشكرك يا مصطفى ده بس من ذوقك والله :)

هبة رفعت يقول...

صحيح والله نورت المدونة كلها